كشف الإعلامي عمرو أديب كيف احتفل بفوز الزمالك ببطولة كأس مصر لموسم 2020-2021.
وقال عمرو أديب في حلقة الجمعة من برنامجه "الحكاية": امبارح نايم مبسوط، بعت جبت شوية فراخ قعدت أقرقض فيها بالليل، بعد الماتش كنت سعيد جدا بعدين رحت ضارب واحد زبادي بالعسل الأبيض عليه حتة قشطة كبيرة، وبعدين جبت عصير برتقال قبل ما أنام، ونمت كالطفل".
وأكمل: صحيت كالطفل وقعدت أبص على الناس وهي بتعمل حاجات غريبة ملهاش دعوة بالروح الرياضية، الزمالك كسب شيء جميل وعظيم نادي محترم نادي لعب ماتش تنبسط منه.
والتقى الزمالك والأهلي مساء الخميس في نهائي كأس مصر موسم 2020-2021 وانتهت المباراة بفوز الفريق الأبيض بنتيجة 2-1.
المصدر : وكالات
